Hezkuntza saioen programazioa: Aurreiritziak.

Gure aurreiritzietatik abiatuz, gelako programazioa antolatuta izateko honako puntu hauek landu behar direla uste dugu:

- Adina, adimena. Esperientzia pertsonal aberasgarriagoa izan duen haurra normalean klasean nabarmendu egingo da. Horretaz gain, kontuan izan behar da haurra zein hilekoa den, honen arabera garapena desberdina izan daitekeelako.

- Ikasle kopurua. Klasean ikasle asko egonez gero, irakasleak ezingo du arreta pertsonala eskaini. Horretaz gain, zailtasunak izango dira zenbait jarduera aurrera eramateko garaian.

- Hizkuntza, haur bakoitzaren kultura. Kontuan hartu behar da kanpotarrak dauden ala ez, integratuak al dauden, zenbat denbora daramate hemen... Laguntza berezia edo arreta gehiago behar izanez gero, hau eskainiz. Ama hizkuntza kontuan hartu beharko da ikasle bakoitzaren hizkuntzaren garapenean.

- Ikasle ona. Gainerako ikasleak ez dira ikasle onaren mailara moldatu behar, honela honi lan berezi bat emanez besteen garapena aurreratu gabe. Aldi berean, ikasle onaren laguntzaren bidez, talde lana sustatu gainerakoei irakatsiz.

- Zailtasun pertsonalak, gabeziak. Ikasle bakoitzaren arazoa identifikatu beharko du hezitzaileak, hau da; pertsonala, mentala, soziala, fisikoa, emozionala... eta honen arabera jokatu.

- Ikasleen jarrera. Kontuan hartu haurren eguneroko jarrera (nekatuta dauden ala ez...) eta horren arabera klasea modu batera edo bestera eman.

- Gelako materialak. Klaseko materialak haurrei nola irakatsiko zaien eta egin daitezkeen jarduerak baldintzatuko ditu.

- Gelaren espazioa. Klaseko espazioak baldintzatuko du jarduerak egiterako garaian.

- Denbora. Denboraren arabera klasea modu ezberdinean antolatuko da.

- Eguraldia. Eguraldiak jarduera batzuk egitea ala ez ahalbidetzen du.

- Aurreko edukiarekin lotura bat sortu, jarraitua izan dadin. Kontuan eduki behar da haurraren ikas prozesua eta honi jarraipen bat eman.