Dekretuen sintesia

Gaur egungo Haur Hezkuntzako dekretuen curriculuma, 2009/10.urtean hasi zen egituratzen. Curriculum berri honen helburu nagusia elebitasun integratzailea erraztea da.

Dekretu hau 20 artikuluz osatua dago eta

honako hauek dira:

1. artikulua - Helburua
EAEko Haur Hezkuntzako berezko curriculuma ezartzea da helburu. Beti ere, Haur Hezkuntzako bigarren zikloari dagozkion arauak kontuan hartuz.

2. artikulua - Aplikazio-eremua
Dekretu hau aplikagarri izango da Haur Hezkuntzako bi zikloak, zikloetako bat edo lehenengo zikloko zati bat ematen duten Euskal Autonomia Erkidegoko ikastetxeetan.

3. artikulua - Antolamendua
Haur Hezkuntza borondatezkoa da eta sei ikasturteko iraupena du. Sei ikasturte horiek bi ziklotan daude banatuta: lehen zikloa (0-3) eta bigarrena (3- 6).

4. artikulua – Xedeak
1.- Helburua:  haurren garapen fisiko, intelektual, afektibo eta sozial osoa eta orekatua lortzea da.

2.- Bi zikloetan honako hauek landuko dira: garapen afektiboa, mugimendua eta gorputzaren kontrol-ohiturak, komunikazioaren eta hizkuntzaren adierazpenak, bizikidetzarako eta gizarte-harremanetarako funtsezko jarraibideak eta ikasleen ingurunearen ezaugarri fisikoen eta sozialen aurkikuntza. Horretarako, zentzumen-hezkuntzari emango zaio  lehentasunezko arreta. Gainera, haurrak bere buruaren irudi positiboa eta orekatua eraiki dezan eta gero eta autonomia pertsonal handiagoa izan dezan bideratuko da.

3.- Horrez gain, Haur Hezkuntzak beste hauek ere egin behar ditu:

      a) Familiekin lankidetzan, haurren garapen osoa sustatu. Horretarako, haurra osoki prestatu eta gizarteratuko da, haurraren gaitasun, eskubide eta ongizatea kontuan hartuz.

  b) Desberdintasunak alde batera utziz, hezkuntza sustatuko da bereziki gizartean edo pertsonalki egoerarik ahulenean daudenei arreta emanez.

      c) Euskal Autonomia Erkidegoko bi hizkuntza ofizialetako elebitasuna bermatzeko baldintza egokiak sustatu eta bultzatu.

      d) Familiei zerbitzua eman hiru urtetik beherako haurrak zainduz eta haiei arreta emanez.

   e) 2.000 biztanle baino gutxiagoko landa-eremuetako biztanleei kalitatezko hezkuntza-zerbitzua eskuratzeko aukera eman.

5. artikulua - Haur Hezkuntzako gaitasunak
Haur Hezkuntzan ikasleak testuingurura egokituta bereganatzen duen jakintzen, trebetasunen, jarreren eta balioen konbinazio integratua, gaitasuna deritzo.

Gaitasunak hezkuntzako gaitasun orokorrak kontuan hartuta zehazten dira.

Gaitasun orokorrak 6 dira:

       1.   Arduraz bizitzen ikastea

        2.   Ikasten eta pentsatzen ikastea

        3.   Komunikatzen ikastea

        4.   Elkarrekin bizitzen ikastea

        5.   Pertsona gisa garatzen ikastea

        6.   Egiten eta ekiten ikastea

6. artikulua - Oinarrizko gaitasunak
Oinarrizko hezkuntzarako ezarritako oinarrizko gaitasunak kontua hartuko dira ikasleen gaitasunak aldarazteko. Ikuspegi integratzaile eta praktikoa aintzat hartuz.

7.artikulua - Helburuak
Eskuratuko dituen gaitasunak aukera eman behar diote.

      a)   Bere gorputza ezagutzeko

    b)   Familia, Natura eta Gizarte-ingurunea aztertu modu aktiboan

      c)   Autonomia lortu

      d)   Gaitasun emozionalak eta afektiboak garatu

      e)   Ingurukoekin harremanetan eta elkarkidetzan aritu

      f)    Hainbat hizkuntza erabiltzeko

  g) Mundua ezagutu trebetasun logiko-matematikoak, irakurketa-idazketa ikasteko

8. artikulua - Curriculuma

1. Haur Hezkuntzako curriculuma hau izango litzateke; etapa horretarako ezarritako helburuen, gaitasunen, edukien, ebaluazio-irizpideen eta orientabide metodologikoen multzoa.

2. Euskal Autonomia Erkidegorako Haur Hezkuntzarako curriculuma izango da dekretu honen eranskinean jasotzen dena.

9. artikulua - Ikastetxearen Hezkuntza Proiektua.

1. Ikastetxearen Hezkuntza Proiektuak, Ikastetxeak egindako hezkuntza aukera eta hark  ezarritako jardunbide-ildo nagusiak jasotzen dituen proposamen-agiria da. Proiektu hau, hezkuntza-komunitateak ikastetxean egingo duen hezkuntzako esku-hartzea koherentziaz zuzentzeko erreferentziatzat balioko du.

2. Hezkuntza Proiektuak jardueraren balioak, helburuak eta lehentasunak jasoko ditu. Hauek finkatzeko gizartearen eta ikastetxearen testuinguru sozioekonomikoari eta kulturalari erreparatu behar zaio, baita ikasleen ezaugarriei eta premiei ere.

3. Ikastetxearen Hezkuntza Proiektua onartzea, Ordezkaritza Organo Gorenari dagokio ikastetxe publikoetan eta pribatuetan berriz, ikastetxearen titularrari.

10. artikulua - Ikastetxearen Hizkuntza Proiektua

1.  Hizkuntza nola irakatsiko eta erabiliko diren finkatuko da, zer-nolako trataera izango duten hizkuntzek curriculum-proiektuan zehaztuko du Ikastetxearen Hizkuntza Proiektuak.  Bertan jasotako erabakiek eragin zuzena izango dute ikastetxearen beste alor batzuetan; barne-araudian, urteko plangintzan... Horien bidez gauzatuko dira hizkuntza proiektuan adostutako printzipioak.

2. Ikastetxe bakoitzaren hizkuntza-proiektua, Ikastetxearen Hezkuntza proiektuan sartuko du.

11. artikulua - Ikastetxearen Curriculum Proiektua

1.Curriculum-proiektua, araututako curriculumak ikastetxe bakoitzean duen zehaztapena da.

2.Proiektu honek, ikastetxearen testuinguru sozioekonomikora eta kulturaletara, ikasleen ezaugarri eta beharretara, ikastetxe bakoitzeko hizkuntza-aukeretara eta baliabidetara egokitu beharko du.

3.Curriculum Proiektuak alderdi hauek finkatuko ditu gutxienez:

 - Hezkuntza-jarduerari lotutako gaitasunak, helburuak eta edukiak, ikasleen beharrei egokituko dira irakaskuntza-alderdi guztietan.

 - Ebaluazio-irizpideak eta gaitasunen gutxieneko garapen-maila Haur Hezkuntza         amaitzean.

  - Ikastetxearen Hizkuntza Proiektuko curriculum-alderdiak.

 - Pedagogia- eta didaktika irizpideak, metodologia aukerak eta curriculum-        materialak, ikastetxeko irakasleen lanaren jarraikortasuna eta koherentzia bermatuko dute.

  - Hezkuntza-laguntzak eskainiko dira bai hizkuntza-premia bereziak dituzten ikasleei, bai gaitasun indibidual handiak dituztenei eta bai hezkuntza-sistemara berandu sartu direnei.

  -Tutoretza-ekintzarako eta hezkuntza-orientazioa garatzeko irizpideak.

4. Hezkuntza-etapa bat baino gehiago irakasten dituzten ikastetxeetako curriculum-proiektuek zehaztu egin beharko dituzte hezkuntza-etapa bakoitzaren ezaugarriak. Koordinazio-lana egingo dute maila-aldaketak direla eta.

5.  Hezkuntza, irakasleen lana bideratuko duen materiala egin dadin bultzatuko du.

12. artikulua - Ikastetxearen Curriculum Proiektua gauzatzea

1. Ikastetxeek Curriculum Proiektua egin eta hezkuntza-administrazioari aurkeztuko diote. Honek beharrezkoak badira, curriculum-proiektuaren bideragarritasunari buruzko oharrak egingo ditu.

2. Irakasleen Klaustroari dagokio curriculum-proiektua egitea. Klaustroak aldi berean onartzeko ardura izango du. Onartu baino lehen izan ere, Eskola Kontseiluaren iritzia jaso beharko da ikastetxe pribatuetan eta Ordezkaritza Organo Gorenarena ikastetxe publikoetan.

3. Finantzazio publikorik jasotzen ez duten ikastetxeek, curriculum-proiektua nork egin eta onartu behar duen jakiteko, eskumenen barne-banaketari erreparatu beharko dute.

13. artikulua - elebitasuna eta eleaniztasuna 

  1. Sistema elebiduna, Haur Hezkuntzan, euskara eta gaztelania sartuz, umeek, idazten eta irakurtzen ikasteko bi hizkuntzetan. Helburua 2 hizkuntzak harreman- eta erabilera-hizkuntza izatea eremu guztietan; pertsonala, soziala eta akademikoa.

    2. Ikastetxe bakoitzak curriculum-planteamenduak egokituko ditu dekretuaren arabera eta hizkuntza proiektua onartuko dute.

  3. Haur Hezkuntzako bigarren ziklotik aurrera, atzerriko hizkuntzen ikasketa eta erabilera bultzatuko dute.

14. artikulua - ebaluazioa eta mailaz igotzea

     1. Ebaluazio prozesuko teknika nagusia; behaketa zuzena eta sistematikoa. Ebaluazioa orokorra, jarraitua eta prestakuntzazkoa.

   2. Hezkuntza-jardutea eta haurrek gaitasunak eskuratu dituzten ala ez ebaluatuko dute, maila horretako helburuekin eta ezagutzekin bat.

    3. Hiru hilean behin gutxienez, gurasoek, beraien seme-alaben inguruko informazioa jasoko dute.

     4. Umeek ezin dute Haur Hezkuntzan kurtsorik errepikatu, hezkuntza premia bereziak dituztenak izan ezik.

15. artikulua - Esparruak

            1.   Edukiak azpimultzo hauetan desberdintzen dira:

a.   Norberaren ezagutza eta autonomia pertsonala

b.   Ingurunearen ezagutza

c.   Hizkuntzak: komunikazioa eta adierazpena

            2.   Edukiak umeentzako jarduera interesgarrien bidez landuko dira.

16. artikulua - Ordutegia

       1.   0-3 urte bitarteko umeentzat, zerbitzu zabala eskaini behar zaie, baino umeek ezin dute 8 ordu baino gehiago eskolan egon.

        2.   Etapa guztietan, hainbat mota eta erritmoko jarduerak eta atsedenak txandakatu.

       3.   Egokitze-aldiak egin behar dira, familia eta eskolaren arteko jarraitasuna bultzatzeko.

17. artikulua - Tutoretza

Tutoretza da talde bateko hezkuntza-ekintza oro dinamizatu, osatu eta koordinatzen duena eta ezinbestekoa da, haur bakoitzaren gaitasunen arabera, hezkuntza-prozesua ahalik eta pertsonalizatuen izateko.

Horretaz gain, tutoreak harreman estua izango du ikasleen familiekin. Tutoretza- ekintzak, etapen arteko koordinazioa bultzatu behar du,  Haur Hezkuntzako lehen eta bigarren zikloaren artean eta baita Haur Hezkuntzako bigarren etaparen eta LHko lehen etaparen artean ere, beharrezkoak izango diren koordinazio-mekanismoak abian jarriz.

18. artikulua - Aniztasunaren trataera

Ikasle guztien aniztasunaren trataera kontuan izateko, etapa bakoitzean ezartzen diren helburuak lortzeko neurriak malguak izan beharko dira, horrela etorkizunean oinarrizko gaitasunak garatzen lagunduko zaie.

Horretaz gain, ikaskuntzan zailtasunak agertzen diren egoeretan ikastetxeek errefortzu mekanismoak jarriko dituzte abian, hala nola, laguntza ematea talde arruntean, taldekatze malguak egitea, curriculum-egokitzapenak eta berariazko errefortzuak eremuren batean.

19. artikulua - Hezkuntza-premia bereziak dituzten ikasleen trataera

Ikastetxe bakoitzak diseinatutako curriculum proiektuak malguak izan beharko dira haur bakoitzaren ezaugarrietara, ikasteko erritmoetara eta berezitasunetara egokitu ahal izateko. Honen helburua, bi printzipio betetzea da;  hezkuntzazko inklusioa eta indibidualizazioa.

20. artikulua - Ikastetxeen autonomia pedagogikoa

Ikastetxeen autonomia sustatu egingo da eta maisu- maistren, hezitzaileen eta profesionalen arteko talde lana bultzatuko da. Ikastetxeetako irakasleek aukera izango dute material didaktikoa aukeratzeko, curriculumean agertzen diren alderdiak kontuan hartzen dituzten bitartean.

Hala ere, ikastetxeek aukeratutako testu-liburuak eta gainerako curriculum- materialak Hezkuntza, Unibertsitate eta Ikerketa Sailak ikuskatuko ditu.